الاثنين، 14 فبراير، 2011

cupcake chocolate ,كب كيك شوكليت بطريقة منال العالم , وتطبيق امي ومن تصويري ^_^


يسعد لي صبح الحب والشوكلاته و فريرو روشير و شوكولاته باتشي محشو ببسكويت  << بنت خالتي تقول خففي سرعه في الكتابه ما احد لاحقتس المدونه لتس لحالتس مو طايره  

ايش اسوي يجيني حماس على طول  على قولتها " ياي "  

امس امي صحتني من عز نومي تقول يلا قومي نسوي كب كيك

<< خربت امي

كل من قلت لها فلانتاين دي تسب وتلعن

طبعا  الطريقه لمنال العالم :

المقادير:

4\3 2  كوب دقيق

2\3 كوب بودرة كاكاو ساده

2 بيضه

1 كوب حليب

1 2\1 ملعقة بيكينج باودر

1 2\1  ملعقة بيكربونات الصودا

2 كوب سكر ناعم الحبيبات

2\1 كوب من الزيت

الطريقه :

1- ينخل الدقيق و كاكاو البودره مع الملح و البيكينج باودر  وبكربونات الصودا وتوضع في الخلاط

2- نظيف السكر و 2 بيض  و 1 ملعقة فانيلا  وكوب الحليب  والزيت

3- نخلط المكونات ثم نضيف كوب ماء مغلي ونستمر بالخلط

" القوام يكون سائل " ^_^

نضيفه باكواب الكب كيك الورقيه ^_^

نضيفه بالفرن  لمدة 22 دقيقه وهذه النتيجه




,,,

طبعا امس قلت لكم اني نسيت  لا اضبط صورة مجلة سيدتي اليوم الصباح ضبطتها لعيونكم ^_^

حاشره ابوي يوم الجمعه لازم جريدة اليوم مع مجلة سيدتي ^_^

طبعا بالمناسبات الخاصه  احن على المجله  لان تكون الاغلفه تصميمها رائع

ما اطول عليكم


وبس ^_^


اتمنى تعجبكم الطريقه وعلى ضمانتي الطعم رائع للكب كيك , تمنيت ازينها بس المواد مو متوفره ^_^

اتمنى لكم يوم جميل

سمايليتا


الأحد، 13 فبراير، 2011

صور رمزيه للحب ^_^ , love day has come , avatars


 يسعد لي صباحكم المعطر بريحة الشوكلاته المحشوه بويفر بسكويت   ومعطر بشوية كابتشينو حلاوه زياده  << انواع الملاغه على الصباح هااااااع

ابد الله يسلمكم من يوم الخميس وانا اصمم بالصور الرمزيه  قلت ما يمر هاليوم ولا اسوي لكم شغله

ادري ما هو بيومنا ولا هو من اعيادنا بس  الفراغ العاطفي مصيبه  على الاقل فرغته بتصاميم

سلمكم الله سويت 10 صور رمزيه بمقاس 150 * 150  تصلح للماسنجر ولل منتديات بصيغة png علشان تستانسون  بالجوده  

حياكم




طبعا انا من عشاق الصور الرمزيه تكون كبيره وواضحه واقدر اشتغل عليها براحتي بس تعرفون مو كل منتدى يدعم ان الصوره تكون كبيره  

اكثرناس تحب الصور الكبيره انا والمصممين  سويت 4 صور رمزيه عن خاطري بس ^_^ حياكم





وبس هذه هي تدوينتي لهذا اليوم البارد

كنت بعدل صورة مجلة سيدتي الجديده بس يوم قفلت برنامج الفوتوشوب  تذكرت قلت مره ثانيه مو كله مره وحده  بعدين تملون مني  

تحميل ممتع واتمنى لكم اطيب الاوقات ورضا الرحمن

سبحانك اللهم وبحمدك اشهد ان لا اله الا الله استغفرك واتوب اليك

سمايليتا




الثلاثاء، 8 فبراير، 2011

يوم رحت جرير شريت ^_^ , حياكم اول سالفه بالمدونه هااع


ياهلا بمتابعيني ومرحبا  نوركم طفى الكهرباء << وحده ذابحتها الملاغه  

الا خير اشوف الابتسامات طارت  وتعطيني EROOR  كبر راس مركز التحميل الي احمل بوه  وراه

اقول مالت بس الشرهه على الي سجل فيك   المهم الابتسامات الي تشوفنها الحين غيرت رابطها ولا الي بالتدوينات القديمه طارو  

ابد سلمكم الله  هالسنه قررت اروح قبل الصيف مكتبتة جرير علشان اشتري دفعة كتب  والدفعه الثانيه تصير خفيفه بالصيف  

القصه :

الصيف الي راح  اخذت لي درزن كتب والله  المسؤول عن الكتب نزلهم لي بعربه  مير ما كفت الفلوس ورجعت نص الكتب وكنت متحسره عليهم  

قلت لامي ايش رايك نروح قبل الصيف ونشتري شوي ونخفف من الكتب علشان ما نرجع ولا تنحسف  

<< موتها الكتب وترى من اسباب التوحد لازم اشغل نفسي بشئ وما لقيت احسن من الكتب

وهذه هي كل القصه

يوم الجمعه تاريخ 4\2\2010

رحت جرير وقبل قسم الكتب شريت ادوات للاب توب كتالي


مشغل سي دي

طبعا له قصه : الله يسلمكم هذا كلمت الفلبيني  يعطيني مشغل سي دي خارجي عطاني ناسخ .. بصراحه انا شكيت

وولد خالتي رجالن يعجلني ما يخليني اخذ براحتي قال الفلبينو اذا ما يشتغل رجعه قلت اوكي  جيت البيت وقريت المجله وقال انه ناسخ وضاق صدري  وفتحته بس من غير ما افك اي شئ حتى الملحقات الي وياه ما فكيتها  ركبت السلك من غير ما افكه ويضيق صدري زياده

قلت اجرب تسود انه يفتح مير السيديات الي عندي قرنبع نفس وجه الفلبيني الي عطاني الناسخ

ادخلهم يطلعون  قلت لازم ارده

وكلمت بنت خالتي صمطي جروحي تسانها بتروح وفعلا راحت وهنا بيت القصيد

عيو ياخذونه لاني فاتحه الكرتون   صارت رفعة ضغط و امي كلمت المدير وقال بس ما فيه استبدال قلت مير حاصلت لي رجعه علشان ارده  

الزبده امي ما عرفت تفهمني وانرفع ضغطي بغيت انفقع  واستهلكت الكثير من الطاقه بذلك اليوم  

الي بعده


شنطة لاب توب تنشال من على الظهر << تصفيره بالله

الشنطه الاوليه انشقت من الداخل بسبب الزحمه وما قصرت  فوق 4سنين او 5 سنين
تهبل


ماوس اسود هااع

بعدين رقينا فوق للكتب :


هالكتاب نازل من رمضان  بس توي اشتريه ينفعني جدن اتفنن واقلل سعرات ولا

كان ودي  بكتاب منال العالم اطباق رمضانيه  بس ما حصلته

وللمره الثانيه اطلب كتاب  صحي وسريع وما احصله  


شفته بنشرتهم ولفت نظري


شفت بنشرتهم بالجريده وكمان لفت نظري


مو متزوجه بس وناسه وراه ما اكتشف


كتيب صغير بس لين يجي دوره واقراه << تقرى كتب 2009  توها ما وصلت ل2010


حلو العنوان بقوه عجبني


طبعا كنت ابي كتب خياطه واشغال يدويه ما حصلت لقيت هذا واخذته لان ابي اتعلم فن الجوخ


طبعا هذا الكتاب عرفته عن طريق برنامج برمضان حجر الزاويه تكلم عنه الدكتور سليمان العوده

واي شئ هالشيخ يتكلم عنه اشتريه طوالي وعيوني مغمضه  بحبه  

وطبعا كفاح فياض  انسان  جد رائع عندي له كتيب اسمه افكار من ذهب وقد سوى محاضرات بجريدة اليوم تنميت لو اقدر اروح  يعني  كفاح فياض والشيخ سلمان العوده سمن على عسل احب اشتري كتبهم ^_^


هذا الكتاب رائع على حسب من قراه  قد قريت مقال بخصوص الاختلاف في عقل المراه والرجل وفيه اقتباسات من هذا الكتاب فشريته ^_^



الكتابين للدكتور خالد المنيف دايم اقرى مقالته في جروب بو نواف ونقول لسه الدنيا بخير

فيه كتاب ثالث له بس ما حصلته  


هذا الكتاب رجعته بالصيف ما كفت الفلوس وقد شفت بقناة الرساله محاضرته بنفس العنوان لطارق السويدان ^_^


هذا الكتاب شفته بالنشره قلتما افوته عباره عن اربع مجلدات ^_^


جحا هااااااااع  ما قدرت اقاوم ذكريات الطفوله يوم يجي بالتلفزيون على شكل كرتون


شفته بمجلة الصيف حق جرير وقررت اشتريه صيف 2011 بس  قسمت زي ما قلت لكم الكتب شئ اشتريه الحين وشي بالصيف قلت اضم هذا علشان استمتع ^_^

والحين للادوات المدرسيه :


هذا ايام عروضهم للعوده للمدارس بالجريده عجبني حيل وشريته ملف ^_^


هذا الدفتر ملون من الداخل ومن ضمن العوده للمدارس هااااع تدرون سعره 38

اما بقية الدفاتر عجبوني وشريتهم




وهذه صورة شنطة لاب توبي وكل قشي فيها ^_^


وبس

هذا الي شريته من جرير ^_^

القراءه متعه بس تبي ناس فاضيه مثلي هااااااع لو انا ادرس ولااشتغل ما فضيت

سبحانك اللهم وبحمدك اشهد ان لا اله الا الله استغفرك واتوب اليك

سمايليتا