يسعد لي صباحكم ومساكم الحلو 
شلونكم عساكم بخير
والله اشتقت لكم كثير بس كل مره اجل واقول خليها بموضوع جديد .. انا عندي عدة مواضيع جاهزين ولهم تكمله بس كل شئ بوقته حلو 
والله الجو متقلب وربيعي وتعرفون الحساسيه تاكل خشمي اكل تراه لحم انسان مو حلاو << تكلم الحساسيه
المهم انا اخر مره رحت فيها سوق بالعيد الكبير " عيد الاضحى " وناقصني اشياء كثيره والله رحت السوق نهاية شهر 3 ربيع اول
طبعا لازم امر بكذا محل لكن الميزانيه ما تسمح اخذت اهم شئ
انا لازم اذا طلعت من البيت اخذ شنطه فيها اهم الاشياء الي احتاجها ... شنطتي القديمه تمزعت وعيرفونها البزران علشان فيها حلاو وبالونات
والله ثنتين عمرهم سنتين 3 سنين يسحبون شنطتي ويجبونها لي .. يعني عطينا حلاو
رحت المكتبه الي بوسط السوق ,هذه المكتبه لازم امرها من يومي صغيره احب القرطاسيه والدفاتر
شفت الشنط عجبتني هذه
طبعا بعدين قريت الي عليها لقيتها لولو كاتي هاااع عاد انا احب هالقطوه وانهبلو عليها البنات
انا اول ما اروح هذه المكتبه افتش بالدفاتر اشوف اذا فيه دفاتر كوريه
حاليا ما ادرس بس احب اشتري القرطاسيه واحب الدفاتر الي صناعتها كوريه , كوريا حتى بدفاترها مميزه
ما جت على ايامي والله تسان صرت دفره كل من شفت غلاف الدفتر اكيد تعرفون ان نيكي عندي موقعها واشوف قرطاسيه يشيب لها شهر الراس طبعا لليحب هالاشياء
ما اطول عليكم حياكم :
شفتو لو على كيفي ما بقي دفتر ما شريته بس اكتفيت بهذا القدر ولي رجعه بعدين << مطوله
رحت مكتبه الثانيه الي احجز مجلاتي المفضله فيها
بتقلون بزر عادي انا احب الاشياء الي تدخل على قلبي السرور لذا قولو لين تشبعون ماراح اغير نظرتي
المفروض 3 اعداد بس راعي المكتبه هو وذمته انا اعرف الي عندي والي مو عندي
على قولة امي ابلشتينا 
والله يفتحون النفس
مجلة فله مميزه والله ومفيده خاصه للمراهقات << طاح سوقها انا عندي بغرفة عرايس اعداد كثيره بمكتبة غرفة العرايس << ايش تتكلم عنه هاذي معليش باي وقت بعرفون السالفه
طول ما النت مخلص اقرى بالمجلات واتابع الانيمي الي حملته اثناء تصفحي وناسه اليابان وسبيس تون عندي بغرفتي لا اله الا الله
فيه ملفات عاديه شاريتهم علشان اسوي فكرة وحده اكتب فيهم يومياتي بس لين اشوف رابط البلوجر حقها واضيفه هنا
..
بقولكم ليه دايم اتاخر بكتابة موضوع جديد :
1- انا اشتغل على رمزيات للعبة ديفيل ماي كراي لكل الاجزاء حتى الجزء الخامس الي بيجي الي فيه دانتي طالعن ورع ما اقول حسبي الله على كابكوم ونينجا ثوري .. من زمان ما رحت موقع مكسات اشيك على الفان كلوب
2- مسويه سكراب وقاصته وخاص بس ما ابي موضوع يسبق موضوع وعندي كذا مواضيع للسكراب بس باقي ما انهيت التنسيق والتحميل وزي ما قلت كل شئ بوقته حلو
3- حساسيه مفرطه فيني من كل شئ له ريحه قويه اهمها الثوم تبون تذبحوني جيبو ريحته خاصتن البودره الي ينحط بالطبخ يا ساتر يقلب وجهي احمر على ملون << فسروها غير الجو المتقلب والله دخلت ملابس شتاء وشتاء الحين راجع
4- بصراحه انام بدري واصحى بدري لان السهر يضيع وقتي والنوم كثير يضيع وقتي انا طول ما انا بالنت اشتغل يعني احمل انيمي احمل سكراب ابحث عن صور اتصفح منتديات وسوالف مع ربعي بس لما انام النهار كله ولا شئ اسويه
5- عندي كونكت بس كل مره بشحن 100 الميزانيه بتخرب وراي مشاريع الصيف ان شاء الله ولازم اقتصد اذا ابي اشتري شئ
..
هذه المجله شريتها بشهر فبراير " مجلة الجميله " , قايله لكم اي شئ عن الحب تلاقوني عنده وفيه موضوع عن هرمون الفيومنات المتخصص للحب او الانجذاب للطرف الاخر عاد انا شريته << شرت المجله مو الهرمون
..
وبس هذه هي سوالفي وجديدي للسوق قريب ان شاء الله مواضيع حلوه تعجبكم
بس قولو لي ايش رايكم بالبنر الجديد سويته يوم انقطاع النت ^_^
سمايليتا
يدلعوني انسه منشين مديرة البراحه
شلونكم عساكم بخير 
الفاضي يعمل قاضي 
